EHNEtik dei egiten diegu artzainei arkumearen haragiaren prezioa defenda dezaten

Eguberrien hotsak geroz eta gertuago entzuten hasi garen honetan, artzainak ere hasi dira jai egun horietako plateretan egoten diren arkumeen komertzializazioan. Aurten, merkatuan arkume eskasia sumatzen ari da eta egoera horren ondorioz haragi honen prezioak ere gora egin du. EHNEtik dei egin nahi diegu artzainei arkumearen prezioa defenda dezaten eta gogorarazi komertzializatzaileei lehengaien prezioek gora ere egin duela, beraz, ordain diezaiotela baserritarrari bidezko prezio bat.

Gainera, kontsumo kontzientea edo herritarra deritzona joera global geldiezina da. Erosteko modua mundua aldatzeko tresna indartsutzat jotzen duten kontsumitzaileen kopuruak gora egin du azken urteetan. OCUk Ekonomia Berriaren eta Gizarte Berrikuntzaren Nesi Foroarekin lankidetzan egindako “Etorkizun hobe baterako beste kontsumo bat” azterlanaren arabera, kontsumitzaileen %73k arrazoi etikoengatik hartzen ditu jada kontsumo-erabakiak.

Artzaintzako haragiak milaka urtetako tradizioa du, eta historian zehar frogatu du arkumea kontsumitzea jasangarria dela, osasungarria eta gozoa. Ekoizpen naturalari esker, aukera bilakatzen da etorkizuneko belaunaldientzat eta ingurumena zaintzen laguntzen duen produktua bilatzen dutenentzat.

Abantailak

• Artaldeak egotea erabakigarria da natur intereseko habitatak kontserbatzeko.
• Lurraldean zehar mugitzen diren ardiek suteak prebenitzen laguntzen dute, eta paisaiak eta ekosistema kontserbatzen laguntzen dute.
• Abereak txandakatzean, haziak lurraldean zehar barreiatzen dira, eta, horri esker, loreak polinizatu eta espezieak genetikoki trukatzen dira, paisaien endogamia saihestuz.
• Larreek karbonoa lurrean modu seguruan gordetzeko balio dute, ekosistemak babestuz. Ardiek baliabide naturalak errespetuz erabiltzen dituzte, eta modu organikoan itzultzen dituzte ingurunera.
• Larreetan ardiek onura dakarte: lur emankorra, ur garbia eta aire garbia duten hamaika ibilbide uzten baitituzte igarotzean