Idiazabalen baserritarren egunean txapelketa egin zen
Urriaren 13an Idiazabalen baserritarren eguna ospatu zen. Urtero bezela egun horretan ospatu zen Euskal Herriko Gazta txapelketa. XLI. Euskal Herriko gazta txapelketa da aurten Idiazabalen egin dena, bertan hainbat gaztak hartu dute parte. Lekarozko Kortariako Infernu Gasna izan da onena eta bere atzetik izan dira Gabiriako Baztarrikakoak, Egozkueko Loperena gaztak eta Elgoibarko Mausitxa ere.
Herriko plaza zein kaleak hainbat poztu desberdinez osatu ziren, hala nola gazta, ardo, dastatzeko zenbait jaki ezberdin, artisau garagardo, eta beste zenbait gauza. Denetarik probatzeko eta erosteko beta izan zuten egun horretan Idiazabalen. Eguneko ekitaldi garrantzitsuenetakoa da gazta lehiaketarena. Herritarren eta epaimahaiaren artean hartu zuten gazta onenaren erabakia. Herritarrek dastaketa herrikoia egiteko aukera izan zuten eta beraien ustez onena zein zen esatekoa ere bai. Horrez gain, 16 pertsonaz osatutako epaimahaiak hartu zuen gazta onenaren erabakia. Aurtengoan lehenengo saria Baztan ingurura joan zen, Lekarozera. Bigarren saria Gipuzkoan geratu zen, Gabirian hain zuzen ere.Hirugarren saria ere Nafarroara joan zen, Egozkueko Loperena gazta eta laugarrena ere Gipuzkoan , Elgoibarko Mausitxa gazta alegia. Herriko txistulari eta dantzariek agurra eskaini zieten.
