1976tik nekazaritzaren eta abeltzaintzaren balioak defendatzen
Vitoria-Gasteiz
www.uaga.eus
Tolosa
Iruñea
Azpeitia
Tutera
Elizondo
Lizarra
Landa garapena
Berriak EHNE
AZKENAK LANDA GARAPENA
Nazabal, Eizagirre eta Santoveña sariarekin.

Zentzuzko merkataritza ekimena Gipuzkoako EHNEk eta EDERTOk bultzatu dute

Gipuzkoako EHNEk eta EDERTO Elkarteak martxan jarritako ‘Baserritik Zuretzat’ lankidetzaproiektua saritu zuten Azpeitian martxoaren 4an egin zuten V. Landaola Sarietan. Gipuzkoako Landa Garapeneko elkarteak biltzen dituen federazioa da Landaola.

‘Baserritik Zuretzat, zentzuzko merkataritza’ proiektua Gipuzkoako EHNE eta EDERTO COVID19aren pandemiaren lehen kolpe bortitzean hasi ziren garatzen. Une horretan, elikagaiak merkaturatu nahi ziren, itxialdiak eragindako egoerak salmenta eragotzi baitzuen. Ekimen honen helburua da zirkuitu labur eta iraunkorreko elikadura-sistema bat garatzea eta txertatzea, komertzialki erakargarriak eta ekonomikoki errentagarriak diren bertako baserrietako sare bat antolatuz, eta, aldi berean, eroslearentzako bermemarka bat sortzea.

Saria jasotzen EHNEko presidente Garikoitz Nazabal eta EDERTO elkarteko Virginia Santoveña izan ziren. Garikoitz Nazabalek gaur egun lehen sektoreak bizi duen egoera gogorra gogorarazteaz gain etorkizun baikorrago bati keinu eginez bota zituen eskertzak saria jasotze unean.

V. Landaola sari hauetan Hernaniko Udalak abian jarritako Hernani Burujabe ekimena, Nagore Martin abeltzaina eta Arantzazuko Artzain Eskola ere sarituak izan ziren beraien ibilbide eta lehen sektorearekiko apustuarengatik.