Irailaren 5ean hasi eta 11ra arte luzatuko diren Ordiziako Euskal Jaien baitan, Idiazabal Jatorri Izendapeneko Gazta Lehiaketa egingo dute. Irailaren 7an izango da hitzordua, asteazkenean, eta ohikoa den bezala, gazten aurkezpenaren ondotik, baita sariak banatu ondoren ere, gazta irabazlearen enkantea egingo dute.
Iazko irabazlea Segurako Eneko Goiburu izan zen, Ondarre gaztandegikoa. Enkantean, berriz, Zaragozako Hotel El Cisnek ordaindu zuen gehien gazta irabazleagatik: 9.400 euro, hain zuzen.
