Desde 1976 defendiendo los valores de la agricultura y la ganadería
Vitoria-Gasteiz
www.uaga.eus
Tolosa
Iruñea
Azpeitia
Tutera
Elizondo
Lizarra
Ganadería
Noticias EHNE
ACTUALIDAD Ganadería
Aurkezpena egin zuteneko irudia

Esnetarako behien sektorean aritzen direnen egunerokoa ikasteko eskola izango dela diote

Lakuak, HAZIk eta Gomiztegi kooperatibak ekainaren 6an Behizain Eskola aurkeztu zuten. Behizain Eskola da, ohar batean azaldu zutenez, "kalitatezko prestakuntzaren bidez esnetarako behien azpisektorea biziberritzeko bere ibilbidea hasten duen zentroa". Artzain Eskolaren esperientzia du oinarri, duela 25 urtetik urtero ikastaro bat ematen baitu ardien sektorean profesionalki aritu nahi duten gazteak trebatzeko, eta zentro berriak "eredu pedagogikoa behien behar espezifikoetara" egokituko du. Areantzako (Aretxabaleta) Etxebarri baserrian Behizain Eskolaren prestakuntza ekintzak burutuko dira. Julen eta Agustin Abasolo anaiek urte askotako esperientzia dute sektoreko profesional gisa eta haiek kudeatuko dute ikastaroa. 260 abelburu, 80 hektarea lursail, larre mekanizagarriak (siloak lortzeko) eta artzaintzarako larre soilak dituzte. Esparru horretan arituko eta lan egingo dute ikastaroan sartuko diren pertsonek, baserrien eta esnetarako behien sektorean aritzen diren enpresen eguneroko errealitatera hurbilduz.