Amezti elkartearen lokalean dago, Santiago Kalean
- El horario de atención de la nueva oficina de EHNE en Elizondo será los jueves, de 09.00 a 14.00
Denbora batez afiliatuei zerbitzu hurbilagorik eskaini ezinik egon ondoren, EHNE-Nafarroak bulego bat ireki du berriro Elizondon, Baztan- Bidasoa eremuari eta Urdazubi eta Zugarramurdi herriei zerbitzua emateko. Amezti elkarte gastronomikoaren lokalean dago -izen bereko taberna izan zena-, Santiago kalean, eta sindikatuaren egoitza gisa inauguratu zuten martxoaren 24an.
Afiliazioari arreta emateko ordutegia ostegunetan izango da, 09: 00etatik 14: 00etara. Hasiera batean, Patxiku Irisarri sindikatuko egungo idazkari nagusia arduratuko da bulego hori zaintzeaz eta hainbat zerbitzu egiteaz, afiliatuek Iruñera joan beharrik izan ez dezaten.
Izan ere, gure afiliazioak eskatutako informazio guztia emateaz gain, Nafarroako hiriburuko egoitzan egin ohi diren izapide berak egingo dira Elizondon.
Aurre hitzordua
Horrela, aseguruen eremuarekin zerikusia duten kudeaketa guztiak egingo dira (azpiegiturak, lokalak, ibilgailuak eta abar), ustiapena lehen aldiz instalatzeko edo hobetzeko proiektuak abian jartzea, kontsulta juridikoak , NPBren tramiteak eta lehen sektoreko burokraziarekin zerikusia duten beste gai batzuez gain. Horrelako prozedurak arintze aldera eta ahalik eta eraginkorrenak izan daitezen, sindikatuari deitzea eta aurretiko hitzordua eskatzea gomendatzen da, batez ere kudeaketan teknikariren bat egotea eta esku hartzea eskatzen bada.
